هاذي الطلعة من صديقي من لعضيم الشاطي الابيض

يالرٌئيـس ورا تحيـتـك
نختير نرحـب بمجيتـك
و للمواطن مـن رعيتـك*** نختيـر نوضـح رؤيتـي
يا المواطن طينـي نيتـك*** باش لنصحك نعطي نيتـي
الخارج من عنـدو جيتـك*** هاذي من شورو وطيتـي
اخسارتك فيه اغلاويتـك ***و اخسارت فيه اََغلاويتـي
اهلـك تحتـاج لمعيتـك ***واهلـي تحتـاج لمعيتـي
موريتانـي هـي بيـتـك*** وانـا كيفـك هـي بيتـي
تحتاج اليـوم لتصويتـك ***اعل الدستور و تصويتـي
و منين تصوت حاشيتـك*** من ناخبيـن و حاشيتـي
تظهر للنـاس إيجابيتـك*** و تظهر للناس إيجابيتـي
وايعـود الحيـا سجيتـك*** و اتعود النخـوة سجيتـي
منين ال تتبنـى فلسفتـي
و افلسفتـي هـاذا نبتـي
تلميـدي نقـرَ مدرستـي*** طالـب نهتـم بكليـتـي
عامـل للداخـل مفكتـي*** انعايـن بـل اتفكتيـتـي
جاهل نقـرا عالـم نفتـي*** من لاهي يكبـت حريتـي
فنـان انعـود بفكـرتـي ***واتوصلـهـا تيدينيـتـي
شاعر ما نبخـل بستفتـي*** وانعـود بكافـي وابيتـي
مديـر انقـدم لاخـرتـي*** قلت صركًـت ميزانيتـي
وزيـر فقطـاع نسنتـي**** لصلاح و نعطـي كليتـي
رئيـس انوفـي فترتـي*** ماشـي تبغينـي رعيتـي
الدولـة ماهـي مملكتـي*** بـاش انورثهـا ذريتـي

مثقف عارف عن ينقـاس ***علـى عقليتـي عقليتـي
لا خسرت بعد اتكًول الناس*** إذا كــان رب البـيـتِ