رَبْعُ عزّةَ...؟؟؟؟؟؟

هذه الطلعة من المحفوظ القديم ..وهل ليست قديمة جدا..ولكن لدي استفسار حول صاحبها ..
اظن انه أحد أولاد خر المتواجدين في الطنطان..ربما محمد أو محمود لست أدري..؟؟؟؟؟؟
رَبْعُ عزّتَ ماني ظان
عنك كنت فواد الطنطان
وافلحميدية هي مان=====اللى ياربعُ ماكُنتَ
ولا كنتَ يا الربع فوديان===الحصية وابعد كُاع انتَ
من دير وفزيني وفلوطان===فبالي كنت ومازلتَ
رَبْعُ عزّتَ باغشان=====ربعُ عزت بالكلتةَ
وربع عزتَ فإشرْكٌان====والحفرة ربعُ عزتَ
لقد لجأت الى كتابة اسم عَزّة بتاء مبسوطة حتى يسهل الفهم والقراءة..كما اسم كثيرعزة الاسم العربي..
لان التاء في الطلع منطوقة نصبا
بنصالح محمد

اشطاري بن صالح
ذيك طلعة قديمة حتى مقدمتها توحي انها قصيدة كثير عزة وهذا كان يسمى قديما السرقة الشعرية ولو بالمعنى واليوم يسمى في الادب العربي اسلوب التناص اي اسقاط نص حديث على اخر قديم وهو اصبح جائز.
قط اسمعت الشيخ ماهو ابا الشيخ البنان يحكيها .
هذا اشوي مكيول اعلى اطنطان فالسبعينات .
اصل اخليت انت يا الطنطان******بالتغريش افطن بالتغريش
وكتن عادت يزرت بزان********تبدل بملاحف لعريش
واخنيط اجي من مورتان********مستحمر وعليه اجريش
كانت لكور ذاك الزمان*********دايرتو لعبيد اطرابيش
واللاهو موض الطنطان********واشبه منو كتان الخيش
كاف من ابداع الشاعر اسماعيل ول سيدي امبارك في عرس البشير ول عالي الثمانينات.
جابت لي وذني حس اطبل........يدندن ما حدي جاي
يحي شعب الكنطان اكمل ........وانت يا الدرجة تحياي
هجرت كل النساء.......
لريتي هون من التنظيم *********يا روحي قد التسواي
انشجي حسيانو وانقيم*********من ماهم يا الروح اتاي
الكاف الرايس محمد ول المحجوب ول النويجم او الشناوي

الدريجة ذي معلمة وتكيوت وافطن حسها زين عرفت باحياء اعراس اولاد بوعيطة.
ايوا اللي يحكي شي من لغنا مكيول اعلى طانطان يحكيه انا .

أنت اش حالك يا الخليل مع الغيبة...وأش حال الحفرة واهلها..مندرى كان جبت منها شي..
مندرى هذي حجّلتْ لي طلعة..ولا بد الي من نكتبها ان شاء الله
مندرتي يكان اللي كان
فدْيار الصيف من الفركٌان
حاكم من ركٌبْتْ انزيدان ====الى تل ابَّيْر الصُّلاّح
يْكٌلّب فالصيف المرحان ====كل ابلد يعطي فيه مْراح
كٌبل العارظ ذاكو بلّو =====ومنين اعليه العارظ طاح
يكانو راح اعلى تلو======عن بَلّو لوَّل واللّى راح
يا الخليل الطلعة...
....اخنيط اجي من مورتان********مستحمر وعليه اجريش
كانت لكور ذاك الزمان*********دايرتو لعبيد اطرابيش...
بلا حمر ..يغيرزينة حتى والى عدت امْسَرْويها كاملة عدل من الحال باش تدرجها كاملة
الله يطول عمرك...والى عدت صايب املي..
الطنطان عيينا الين يهبو علينا ارياح متانات..ونكُولو فيه بكاءً وغزلاً..وينتسى ذاك كامل..
أراعي لك أول كٌاف نظمو بنصالح امْسكٌم وصالح..
الحب..واشبه بدل فبلدها البغي..
الحب الى عاد ليكتل====انا حبّي بعد حْيَاني
الطنطان الى عاد ال تل ==ياونّي يا التل وْداني...
الخليل اعلي ولد العياشي بوعسرية تعرس ولا؟؟؟
بنصالح محمد

بن صالح ذاك كاف امعاشر ماهي طلعة .
بوعسرية عدلها اسمك الخيمة .اكعد انت مطلوس اعلى غرظك راهي داعيتك المحسوبة لا تموت الموت اللي كانت نحكي لك اشتمر واسمك خيمتك .
الكاف اللي احكيت فنحية تمبرما ذاك متداول وازن يا غير فيه حمرة ماهي ناصله اعلى اختها خالك ذاك النوع وافطن متداول فياسر من النحايا .خالك نوع يسمى املخ وين اعود الكاف جاي فيه مثل فالتيفلويت الرابعة وتستقل بحمرتها
اسودح انت ابغيت لعليات يخلونا ول العيساوي كولو اللا شمت لعليات عندي شريط منو واقليل ذاك النحكي لو .اللهم اكطاعو مع الدراعة .علما ان اجمل ما سمعت في الحب العفيف كاف لو
مصابي دمعة كيف الجيت****كنت افراسك وبكيتيني
وتغرغرت فعينك ومشيت****اعلى خدك ومسحتيني

الطليسة اراهي الا وقت ..أما موت الجيفة مانا فيه..ايوا ادعي معانا الله يجيب لنا لمباركة
مبروك على اعلي ولد العياشي بوعسرية....
مشكور على التوضيح عن الكٌاف لمعاشر..
كٌاف الجمل اللي سركٌوالانساب.. اللي يتنهول بيه الشيخ ماغدي لي فيه شي..بيا بلا انساب ...
أما سودح نكٌول لك عن ول العيساوي حسب ما سمعت من اخبار ..-وأراهي بيني وبينك..ولا يسمعها حد-..كتلوه لعلايات ولا ني عارف كانها صحيحة..شفتو في أخر حياتو الله يرحمو..كان من سكان الحي..وعاقل
عليه كان يْجيَّردارو ..وذاك لعد بيه...وعندي طلعة لو كٌايلها هو على علايات لعيون يغير ماهي تامة..
الكاف التي تسول عنو ذا هو..وأراهو لك زوين رغم استدريجو-من الدارجة-..وقطعا عن كٌايلو حد
اخباري فلحسانية..ومتين فلغنا املي:
الريم اللي تنْجَخّ=====مولانا شرْدَد ليها
يابَيّك من عدت اذمَخْ==توْحل ليها في سنّيها..
ايوا يا الخليل عندك شي من لمطيريح..كيف ذا النوع..
بنصالح محمد